Fólk er búið að vera að spurja mig hvað ég selji myndirnar mínar á í dag (skrifað 30. okt. 2022), það er þeim myndum sem eru á FB síðunni minni Bragi Halldorsson digital draftsman en allt hækkar jú milli ára. Eftir að hafa snúist í marga hringi og reitt hár mitt ákvað ég að gera þetta bara mjög einfalt og verðleggja allar myndirnar eins.

Þar sem ég sel þær sem A4 og A3 prent og á einhverja 2-3 ramma í hvorri stærð sem ég lét smíða fyrir mig fyrir nokkrum árum og sel ég þá á kostnaðarverði ef fólk vill fá mynd í ramma en á eftir að kanna hvað kostar að smíða sömu ramma í dag. Læt vita þegar ég verð komin með þá tölu en eins þá mun ég selja þá á kostnaðarverði. Ef fólk vill mynd án ramma fylgir með 10% afsláttarmiði frá innrömmurunum, eða þannig var það síðast og sjálfsagt eins núna. Þó sagt án ábyrgðar þar sem ég er ekki búin að tala við þau.

Þá er verðið eftirfarandi
—

Stafrænar hágæða prentanir

A3
Áritaðar og tölusettar frá 1 upp í 5
Verð án ramma 20.000

A4
Áritaðar og tölusettar frá 1 upp í 10
Verð án ramma 12.000
—

Þess má geta ef eitthvert ykkar hefði á því áhuga þá er aðeins ein mynd eftir í A3 stærð af meðfylgjandi myndinni af Hjartanu (þegar þetta er skrifað 30. okt 2022, uppfæri ef breytist).